صدر مملکت ڈاکٹرعارف علوی نیشنل یونیورسٹی آف پاکستان ٻل 2023 دی توثیق کرݙتی

اسلام آباد۔19اپریل(اے پی پی) صدر مملکت ڈاکٹر عارف علوی نیشنل یونیورسٹی آف پاکستان ٻل 2023 دی توثیق کرݙتی ۔ ایوان صدر دے پریس ونگ توں ٻدھ کوں جاری بیان موجب ٻل دا مقصد اسلام آباد وچ نیشنل یونیورسٹی آف پاکستان دا قیام عمل اچ گھن آوݨا اے ۔ صدر مملکت پیر روشان انسٹیٹیوٹ آف پراگریسو سائنسز اینڈ ٹیکنالوجیز میران شاہ ٻل 2023 دی وی توثیق کر ݙتی۔ ٻل دا مقصد میران شاہ خیبر پختونخوا اچ پیر روشان انسٹیٹیوٹ دا قیام اے ۔ صدر مملکت ڈاکٹر عارف علوی ٻلز دی توثیق آئین دے آرٹیکلز 70 اتے 75 دے تحت کیتی اے۔