وزیرِ اعظم محمد شہباز شریف اڄ کانسٹیٹیوشن موبائل ایپ (Constitution App) دا اجراء کریسن

اسلام آباد۔20اپریل(اے پی پی) وزیرِ اعظم محمد شہباز شریف اڄ کانسٹیٹیوشن موبائل ایپ (Constitution App) دا اجراء کریسن ۔ وزیراعظم آفس دے میڈیا ونگ توں جاری بیان موجب کانسٹیٹیوشن موبائل ایپ پاکستان دے آئین دی گولڈن جوبلی دے تناظر اچ جاری کیتی ویندی پئی اے ۔ کانسٹیٹیوشن موبائل ایپ وزیرِ اعظم دے وژن دے تحت پاکستان دے عوام کوں آئینِ پاکستان نال روشناس کراوݨ تے اینکوں سمجھݨ اچ ہر شہری دی مدد کریسی ۔ وزیر اعظم دے وژن دے تحت آئین پاکستان تئیں ہر خاص و عام دی رسائی اتے ایندی تعلیم عام کرݨ دا اے تاریخی اقدام، کانسٹیٹیوشن موبائل ایپ، وزیر اطلاعات مریم اونگزیب دی قیادت اچ وزارت اطلاعات و نشریات دی طرفوں تیار کیتی ڳئی اے ۔ ایں موبائل ایپ دی تیاری اچ نادرا وی تعاون کیتے۔