پاکستان بھارت دے مقبوضہ جموں و کشمیر اچ انسانی حقوق دی سنگین خلاف ورزیاں تے الیندا رہسی، ترجمان دفتر خارجہ ممتاز زہرہ بلوچ

اسلام آباد۔20اپریل(اے پی پی)پاکستان اپݨا عزم دوہرائے جو او بھارت دے غیر قانونی زیر قبضہ جموں و کشمیر اچ انسانی حقوق دی سنگین اتے منظم خلاف ورزیاں تے آواز چیندا رہسی۔ ترجمان دفتر خارجہ ممتاز زہرہ بلوچ پریس بریفنگ اچ آکھیے جو پاکستان اقوام متحدہ دی سلامتی کونسل دی قرارداداں دے مطابق تنازعہ جموں و کشمیر دے منصفانہ اتے پرامن حل کیتے اپݨے کشمیری ٻھراواں اتے ٻھیݨیں دی سیاسی، سفارتی اتے اخلاقی حمایت جاری رکھیسی۔ ترجمان موجب رمضان دے مکݨ تے ساکوں بھارت دے غیر قانونی زیر قبضہ جموں و کشمیر اچ ٻھراواں کوں یاد رکھݨا چاہیدے جتھاں قابض بھارتی حکام مذہبی آزادی تے تکڑیاں پابندیاں لایاں ہوئن، ایں واری رمضان اچ مسیتاںتے حملے، نمازیاں کوں مارݨ کٹݨ، مسیتاں دے ٻاھرو سییکیورٹی فورسز دے پاھرے لاوݨ ظلم دی بدترین مثال اے، اساں اقوام متحدہ دی سلامتی کونسل دی قرارداداں دے مطابق تنازعہ جموں و کشمیر دے منصفانہ اتے پرامن حل کیتے کشمیریاں دی سیاسی، سفارتی اتے اخلاقی حمایت جاری رکھسوں۔