لاہور۔۔22اپریل(اے پی پی):وزیراعظم محمد شہباز شریف ترکیہ دے صدر رجب طیب اردوان نال ٹیلی فونک رابطہ کیتے تے ترکیہ دی حکومت، قیادت اتے عوام کوں عیدالفطر دی مبارخ ݙتی اے ۔ وزیراعظم آفس دے پریس ونگ موجب وزیراعظم جنوب مشرقی ترکیہ اچ 6 فروری دے زلزلے دے متاثرین کیتے دعا وی کیتی تے انہاں دی بحالی تے نویں سروں تعمیر دے مرحلے دے دوران ترکیہ نال کھڑا تھیݨ دے پاکستان دے عزم دا اعادہ کیتے ۔ صدر ایردوان وزیراعظم دی عید دی مبارخ دا گرمجوشی نال جواب ݙتا تے پاکستانی عوام کیتے آپݨے خصوصی برادرانہ جذبات اتے پیار دا اظہار کیتے۔ ترک صدر زلزلے دے دوران اوکھے ویلھے انہاں دے رلے کھڑا تھیوݨ تے پاکستانی عوام تے حکومت دا شکریہ ادا کیتے تے پیغام ݙتے جو او پاکستان دی مدد کوں کݙاہیں نہ بھلسن ۔ وزیراعظم صدر اردوان کوں دورہ پاکستان دی دعوت وی ݙتی جیں کون انہاں قبول کرڳھدا ۔
