اسلام آباد۔22اپریل(اے پی پی):وزیراعظم محمد شہباز شریف عیدالفطر دے پرمسرت موقع تے پاکستان سودھے سارے عالم اسلام کوں مبارخ پیش کریندے ہوئیں آکھیے جو صاحب ثروت دے ایثار ومحبت دی عام حالات توں ودھ لوڑھ اے ، انہاں ساریں کوں عید دی خوشیاں اچ شریک کرو جیڑھے مشکلات دا شکار ہن ، اتحادی حکومت دی مسلسل کوشش رہی اے جو پیش آندے معاشی مشکلات دا گھٹ توں گھٹ ٻوجھ عوام تئیں پڄے ، اساں ہرممکن حد تئیں ریلیف عوام تئیں پڄاوݨ دی جدوجہد کریندے پیوں ۔ انہاں عیدالفطر دے موقع تے پاکستان سودھے پوری امت مسلمہ کوں مبارخ دے پیغام اچ آکھیے عیدالفطر دے پرمسرت موقع تے پاکستان سودھے سارے عالم اسلام کوں مبارخ پیش کرینداں ۔ میݙی دعا اے جو اے مبارک گھڑی اساں ساریں دی زندگی اچ ڈھیر مسرتاں اتے خوشیاں گھن تے آوے ۔ وزیراعظم آکھیے رمضان المبارک دے روزیں اتے عبادات الہی اللہ توں ساݙی زندگی اچ صبر، قناعت اتے ݙوجھیں دے احساس دا جیڑھا جذبہ پیدا تھئے ، عیدالفطر ایں دے عملی اظہار دا وی ھک موقع ہے، اپݨے اردگرد ضرورت منداں، محتاجاں، یتیماں تے ناداراں نال صلہ رحمی دا مظاہرہ کروں ، اے اوکھا دور اچے جیں اچ صاحب ثروت دے ایثار ومحبت دی عام حالات توں ودھ لوڑھ اے ، انہاں ساریں کوں عید دی خوشیاں اچ شریک کروں جیڑھی مشکلات دے جبر دا شکار ہن۔ انہاں آکھیے اتحادی حکومت دی مسلسل کوشش رہی ہے جو پیش آندے معاشی مشکلات دا گھٹ توں گھٹ ٻوجھ عوام تئیں پڄے ، اساں ہرممکن حد تئیں ریلیف عوام تئیں پڄاوݨ دی جدوجہد کریندے پیوں ، میݙا ایمان ہے اللہ تعالیٰ اساکوں انہاں آزمائشاں توں نجات عطا فرماوے۔
