وزیراعظم محمد شہباز شریف دا حکومتی اتحادی جماعتاں دے قائدین کوں ٹیلی فون، عید دی مبارخ ݙتی

اسلام آباد۔24اپریل(اے پی پی):وزیراعظم محمد شہباز شریف حکومت اچ شامل جماعتاں دے قائدین کوں انڄ انڄ ٹیلی فون کیتے تے انہاں کوں عید دی مبارخ ݙتی ۔ پی ایم آفس دے پریس ونگ موجب وزیراعظم پی ڈی ایم دے سربراہ مولانا فضل الرحمان کوں ٹیلی فون کیتے تے عید دی مبارخ ݙتی ۔ وزیراعظم پی پی پی دے چیئرمین بلاول بھٹو زرداری کوں وی ٹیلی فون کیتے تے عید دی مبارخ ݙتی ۔ وزیراعظم محمد شہباز شریف سابق صدر آصف علی زرداری، بختاور اتے آصفہ کیتے وی نیک تمناواں دا اظہار کیتے۔ وزیراعظم بی این پی دے سربراہ سردار اختر مینگل، ق لیگ دے سربراہ چودھری شجاعت حسین، ایم کیو ایم دے سربراہ ڈاکٹر خالد مقبول صدیقی، پختونخوا ملی عوامی پارٹی دے سربراہ محمود خان اچکزئی، قومی وطن پارٹی دے سربراہ آفتاب احمد خان شیرپائو، جمعیت الحدیث دے سربراہ پروفیسر ساجد میر اتے جمعیت علمائے پاکستان دے سربراہ شاہ اویس نورانی کوں وی ٹیلی فون کیتے تے عید دی مبارخ ݙتی ۔ وزیراعظم شہباز شریف امیر جماعت اسلامی سراج الحق چارے گورنرز کوں وی ٹیلی فون تے عید دی مبارخ ݙتی ۔ وزیراعظم نگران وزیراعلیٰ پنجاب محسن نقوی کوں وی ٹیلی فون کیتے تے عید دی مبارخ ݙتی۔ وزیراعظم شہباز شریف وزیر اعلیٰ خیبرپختونخوا اعظم خان اتے وزیر اعلیٰ سندھ سید مراد علی شاہ کوں وی ٹیلی فون تے عید دی مبارخ ݙتی اے ۔