اسلام آباد۔26اپریل (اے پی پی):وزیراعظم محمد شہباز شریف آکھیے ذاتی اقتدار دے حصول کیتے پی ٹی آئی ہر حربہ استعمال کیتا، افواج پاکستان اتے ایندی قیادت کوں ٻاہرلے ایجنٹاں دے ذریعے بدنام کیتا ڳئے ، معاشرے اچ انتشار اتے تقسیم در تقسیم پیدا کرݨ اچ کوئی کسر نی چھوڑی ڳئی ، ایں سارے کجھ دے باوجود اتحادی حکومت ڳالھ مہاڑ دا دروازہ بند نی کرݨ چاہندی ، پارلیمانی کمیٹی پارلیمان دے ذریعے گنجائش پیدا کرسڳدی اے ، ھک ݙینھ الیکشن دی تاریخ تے ساریں کوں کٹھا کرݨ کیتے اساں آپݨی آخری کوشش کرڳھدی ، پارلیمان جیڑھے فیصلے کریسی انہاں دا احترام کریسوں ، سپریم کورٹ دا کم پنچائیت یا ثالثی کرݨ کائنی ۔ اوٻدھ کوں اتحادی جماعتاں دے رہنماواں دے اجلاس توں خطاب کریندے پئے ہن ۔ وزیراعظم محمد شہباز شریف اجلاس اچ شریک اتحادی جماعتاں دے رہنماواں کوں اجلاس اچ خوش آمدید آکھدے ہوئیں گزریل عید دی مبارخ ݙتی ۔ وزیراعظم آکھیے اڄ ھک واری ول اتحادی جماعتاں دے رہنما مشاورت کیتے جمع تھئن ، ماضی نیڑے اچ اتحادی رہنماواں دی جیڑھیاں نشستاں تھئن انہاں اچ ملک کوں پیش آندی صورتحال، حالات اتے چیلنجز تے ڳالھ مہاڑ کیتی ڳئی تے ایندے نتیجے اچ اقدامات کیتے ڳئن ، قومی اسمبلی اتے پارلیمان دے مشترکہ اجلاس اچ وی انہاں چیلنجز تے ڳالھ تھئی تے عدالت عظمیٰ دے حوالے نال معاملات تے آئینی و قانونی اقدامات چاتے ڳئے۔ وزیراعظم آکھیے صورتحال حالی وی وݙی چیلنجنگ اے، کل سپریم کورٹ دے ترائے رکنی بنچ، جیں کوں پارلیمان قبول نیکیتا اے ھک متفقہ رائے اتے فیصلہ ہئی جو اساں چار ترائے دا فیصلہ منیندوں، پنج ݙو یا ترائے دا نی ، ایں تے پوری پختگی نال اساں آپݨا مؤقف قائم کیتا تے اڄ وی اساں اے سمجھدوں تے منیندوں جو فیصلہ چار ترائے دا اے ۔ وزیراعظم آکھیے مگر سپریم کورٹ ایں حوالے نال آپݨے ترائے رکنی بنچ دے نال معاملات اڳوں گھن ونڄݨ چاہندی اے تاں ایں بارے اساں ول کٹھے تھئے ہیں تاں جو آپݨے پہلے فیصلے دا اعادہ کروں۔ وزیراعظم آکھیے کل ایں بنچ الیکشن کیتے فنڈز دی فراہمی تے جواب منگیے ، ایں توں پہلے سپریم کورٹ جیڑھے فیصلے ݙتن انہاں کوں پارلیمان ڈیل کیتے تے اڄ وی میں سمجھدوں جو پارلیمان جیڑھے فیصلے ݙتن تےقرارداداں منظور کیتن اے معاملہ وی پارلیمان چاہسی تاں اوں سامݨے گھن آیا ویسی او قوم دے سامݨے اپݨی صلاح کوں سامݨے گھن آوے ۔
