اسلام آباد۔27اپریل (اے پی پی):وفاقی وزیرمنصوبہ بندی و ترقی پروفیسر احسن اقبال آکھیے حکومت ڈیجیٹل ٹیکنالوجی اچ سرمایہ کاری کوں ترجیح ݙیندی پئی اے ، برآمدات اچ ودھارا ملکی معاشی مسائل دا واحد حل اے جی کیتے حکومت بھرپور اقدامات چیندی پئی اے ۔ اے ڳالھ انہاں ڈیجیٹل ایکسپورٹس کوں ودھاوݨ کیتے خمیس کوں ھک اہم اجلاس دی صدارت کریندے ہوئیں آکھی ۔ اجلاس اچ آئی ٹی اتے ٹیلی کام سیکٹر دے سٹیک ہولڈرز شرکت کیتی ۔وفاقی وزیر آکھیے حکومت ڈیجیٹل ٹیکنالوجی اچ سرمایہ کاری کوں ترجیح ݙیندی پئی اے کیوں جو ہر شعبہ ہائے زندگی کوں ڈیجیٹل ٹیکنالوجی نال منسلک کرݨ ناگزیر تھی چکیے ۔ انہاں ڈیجیٹل ایکسپورٹس دے حوالے نال سفارشات تے عملدرآمد تےپیشرفت دا جائزہ گھنݨ کیتے سٹیئرنگ کمیٹی بݨاوݨ دی ہدایت کیتی ، کمیٹی آئی ٹی اتے پرائیویٹ ماہرین تے مشتمل ہو سی جیڑھی ہر مہینے سفارشات تےعملدرآمد دا جائزہ گھنسی ۔
