وزیراعظم شہباز شریف قومی اسمبلی توں اعتماد دا ووٹ گھنݨ دے بعد اتحادی جماعتاں دے ارکان دیاں سیٹاں تے ڳئن ، شکریہ ادا کیتے

اسلام آباد۔27اپریل(اے پی پی):وزیراعظم محمد شہباز شریف قومی اسمبلی توں اعتماد دا ووٹ گھنݨ دے بعد حکومت دی اتحادی جماعتاں دے ارکان دی سیٹاں تے ونڄ تے انہاں دا شکریہ ادا کیتے۔ قومی اسمبلی اچ وزیراعظم تے اعتماد دی قرارداد دی منظوری دے بعد حکومت اتے اتحادی جماعتاں دے ارکان خوشی دا اظہار کریندے ہوئیں ڈیسک وڄائے۔ وزیراعظم اعتماد دا ووٹ گھنݨ دے بعد پاکستان پیپلز پارٹی دے چیئرمین اتے وزیر خارجہ بلاول بھٹو زرداری دی سیٹ تے ونڄ تے انہاں دا شکریہ ادا کیتے۔ ایں توں انڄ وزیراعظم جے یو آئی (ف)، اے این پی، بی این پی مینگل، بلوچستان عوامی پارٹی اتے ایم کیو ایم سودھے ٻئے ارکان دی نشستاں تے ڳن تے انہاں دا شکریہ ادا کیتے۔