اسلام آباد۔27اپریل(اے پی پی) صدر مملکت ڈاکٹر عارف علوی ایران تے رومانیہ دے نال سانجھی دلچسپی دے سارے شعبیں وچ تعاون ودھاوݨ تے زور ݙتے۔ ایوان صدر دے پریس ونگ توں جاری بیان موجب اے ڳالھ انہاں ایوان صدر اچ ایران اتے رومانیہ دے سفیراں نال ملاقات اچ آکھی اے جنہاں انہاں دے نال انڄ انڄ ملاقات کیتی ۔ ایران دے سبکدوش تھیوݨ آلے سفیر سید محمد علی حسینی نال ڳالھ مہاڑ کریندے ہوئیں صدر مملکت آکھیے پاکستان ایران دے نال اپݨے برادرانہ تعلقات کوں ٻہوں اہمیت ݙیندے کیوں جو ݙوہیں بھرا ملک تاریخی رابطے تے ثقافتی وابستگی نال علاقائی تے بین الاقوامی اہمیت دے معاملات تے ھکو سویں خیالات رکھیندن ۔ انہاں ݙوہیں ملکاں دے سانجھے فیدے کیتے اقتصادی تعاون تے تجارتی حجم کوں ودھاوݨ دی لوڑھ تے زور ݙتا ۔ صدر مملکت بھارت دے غیر قانونی طور تے زیر قبضہ جموں و کشمیر اتے بھارت دے ٻئے حصیں اچ مسلماناں دے خلاف بھارتی سکیورٹی فورسز دے ظلم دا ذکر کریندے ہوئیں آکھیے بھارت اچ مسلماناں کوں انڄ تے ظلم و ستم دا نشانہ بݨایا ویندا پئے ، مسلم دنیا کوں مسلماناں دے خلاف بھارتی ظلم دا نوٹس گھنݨ دی لوڑھ اے صدر مملکت مسئلہ کشمیر تے ایرانی حکومت دی حمایت تے موقف تے شکریہ ادا کیتے صدر ڈاکٹر عارف علوی ایران تے سعودی عرب دے سفارتی تعلقات کوں معمول تے گھن آوݨ کیتے تاریخی اقدام دی تعریف کریندے ہوئیں آکھیے ݙوہیں ملکاں دے درمیان تعلقات معمول تے آوݨ نال مشرق وسطیٰ اچ امن و استحکام آسی ۔
ISLAMABAD: April 27 – Ambassador of Romania, Mr. Nicolae GOIA called on President Dr. Arif Alvi at Aiwan-e-Sadr. APP/ABB/ZID
پاکستان اچ رومانیہ دے سفیر نکولائی گویا وی صدر مملکت نال ملاقات کیتی ۔ ایں موقع تے صدر آکھیے رومانیہ مشرقی یورپ دا ھک اہم ملک اے اتے پاکستان رومانیہ دے نال تجارت اتے معیشت دے شعبیں اچ آپݨے تعلقات کوں مزید ودھاوݨ چاہندے ۔ انہاں رومانیہ دی حکومت دا جی ایس پی پلس اسٹیٹس ݙیوݨ تے اینکوں جاری رکھݨ اچ پاکستان دی حمایت تے شکریہ ادا کیتے۔ ملاقات اچ اقتصادی تعلقات کوں بہتر بݨاوݨ تے ݙوطرفہ تعلقات کوں مزید مستحکم کرݨ کیتے اعلیٰ سطح تے باقاعدہ تبادلیں تے ڳالھ مہاڑ دی لوڑھ تے زور ݙتا ڳئے ۔ سفیر اگست/ستمبر 2021 دے دوران افغانستان توں رومانیہ دے شہریاں دے انخلاءاچ پاکستانی تعاون تے رومانیہ دے صدر دی طرفوں پاکستان دا شکریہ ادا کیتے۔
