اسلام آباد۔28اپریل(اے پی پی)قومی اسمبلی کوں ݙسایا ڳئے جو حکومت ملک اچ شرح خواندگی دی بہتری کیتے ترجیجی بنیاداں تے اقدامات کریندی پئی اے تے اڄوکے سال 30جون تئیں اسلام آباد اچ شرح خواندگی کوں 100فیصد تئیں گھن ویسوں ۔ قومی اسمبلی اجلاس اچ سوالاں دے وقفے اچ ارکان اسمبلی طاہرہ اورنگزیب، شیخ روحیل اصغر ،غوث بخش مہر، شائستہ پرویز ملک تے نورعالم خان دے سوال دے جواب اچ وفاقی وزیر تعلیم رانا تنویر حسین آکھیے پاکستان تحریک انصاف دی حکومت گزریل 4 سال وچ تعلیم دے شعبے کوں بری طرح متاثر کیتے مگر موجودہ حکومت گزریل ھک سال اچ شرح خواندگی اچ بہتری کیتے ترجیحی بنیاداں تے اقدامات چاتن جنیاں اچ ٹیلی سکول، آن لائن، لرنرپروگرام ،سکول آف ویلزسودھے مختلف پروگرام شروع کیتے ڳئن جنہاں توں ملک اچ لکھاں ٻال فیدہ چاتے۔
