پارلیمان اپݨے آئینی حقوق دے تحفظ اتے دفاع دا بھرپور حق رکھیندی اے، اپݨے آئینی اختیارات دے تحفظ کیتے چھیکڑی حد تئیں ویسی، مریم اورنگزیب

اسلام آباد۔2مئی  (اے پی پی) وفاقی وزیر اطلاعات تے نشریات مریم اورنگزیب آکھیا جو پارلیمان اپݨے آئینی حقوق دے تحفظ اتے دفاع دا بھرپور حق رکھیندی اے، اپݨے آئینی اختیارات دے تحفظ کیتے چھیکڑی حد تئیں ویسی۔ منگل کوں اپݨے بیان اچ انہاں آکھیا جو پارلیمان دا قانون سازی دا آئینی اختیار کوئی نی کھس سڳدا، عدلیہ دا اختیار آئین تے قانون دی تشریح کرݨ اے، آئین ’ری رائٹ “ کرݨ یا قانون سازی دے اختیار تے پابندی لاوݨ عدلیہ دا اختیار کائنی۔ انہاں آکھیا جو پارلیمان وکلا برادری، بار کونسلز اتے ایسوسی ایشنز دے پراݨے مطالبے تے قانون سازی کیتی، آرٹیکل 184(3) بارے قانون سازی نال عدلیہ دے اختیار، آزادی وخود مختاری اچ کوئی ڳھٹکی کائنی کیتی ڳی، ایں قانون سازی نال ”وَن۔مین۔شو“ اتے ” امپیریل۔ کورٹ“ سویں اعتراضات مُک ڳن۔ سپریم کورٹ دے ترائے سینئر موسٹ ججز مشورےنال اے اختیارات استعمال کریسن۔