پاکستان کوں اپݨے ماحولیاتی اہداف کوں پورا کرݨ کیتے ضروری کلائمیٹ فنڈز ڳھنݨ بارے چیلنجز دا سامݨا اے، سینیٹر شیری رحمان

اسلام آباد۔2مئی  (اے پی پی) وفاقی وزیر برائے ماحولیاتی تبدیلی سینیٹر شیری رحمان آکھیا جو پاکستان کوں اپݨے ماحولیاتی اہداف کوں پورا کرݨ کیتے ضروری کلائمیٹ فنڈز ڳھنݨ بارے چیلنجز دا سامݨا اے۔ عالمی برادری کوں بین الاقوامی مالیاتی نظام دی تنظیم نو کریندیں ہوئیں ترقی پذیر ملکاں کیتے کلائمیٹ فنڈ کوں ٻیا قابل رسائی ٻݨاوݨا چاہیدے۔ جرمنی اچ تھیوݨ آلے پیٹرزبرگ کلائمیٹ ڈائیلاگ دی تقریب توں خطاب کریندیں ہوئیں انہاں آکھیا جو یونائیٹڈ نیشنز فریم ورک کنوینشن آن کلائمیٹ چینج دی قائمہ کمیٹی برائے خزانہ موجب 78 ترقی پذیرملکاں کوں پیرس معاہدے دے تحت اپݨٰی مالی لوڑھ کوں پورا کرݨ کیتے 2030 تئیں چھی ٹریلین ڈالر دی لوڑھ اے۔ انہاں آکھیا جو ترقی پذیر ملکاں کوں 2022 اچ فیصد کلائمیٹ فنانس اتے ترقی پذیر ممالک کوں صرف 48 فیصد وصول تھیے ڄڈانجو دنیا دی اسی فیصد آبادی دا تعلق انہاں ترقی پذیر ملکاں توں اے۔ اے عالمی برادری دی اجمتاعی ذمہ واری اے جو پائیدار مستقبل کوں یقینی ٻݨاوݨ اتے ماحولیاتی تبدیلی نال نبڑݨ کیتے ضروری اقدامات کرے۔