وزیر خارجہ بلاول بھٹو 4 اتے 5 مئی کوں بھارتی شہر گوا اچ شنگھائی تعاون تنظیم دی وزراء خارجہ کونسل دے اجلاس اچ پاکستانی وفد دی قیادت کریسن

اسلام آباد۔3مئی  (اے پی پی) وزیر خارجہ بلاول بھٹو  4 اتے 5 مئی کوں بھارتی شہر گوا اچ شنگھائی تعاون تنظیم دی وزراء خارجہ کونسل دے اجلاس اچ پاکستانی وفد دی قیادت کریسن۔ بدھ کوں دفترخارجہ موجب وزیر خارجہ شنگھائی تعاون تنظیم دی وزراء خارجہ کونسل دے موجودہ سربراہ بھارت دے وزیر خارجہ ڈاکٹر ایس جے شنکر دی دعوت تے ایس سی او دے وزراء خارجہ دے اجلاس اچ شریک تھیندے پن۔ دفترخارجہ موجب اجلاس اچ اساݙی شرکت شنگھائی تعاون تنظیم دے چارٹر اتےعمل کیتے پاکستان دے عزم اتے اوندی اہمیت دی عکاسی کریندی اے۔