اسلام آباد۔4مئی (اے پی پی):وفاقی وزیر پارلیمانی امور مرتضیٰ جاوید عباسی آکھیے جناح گارڈن ہائوسنگ سوسائٹی اچ سنگین خلاف ورزیاں کیتیاں ڳئن ، اے معاملہ ایف آئی اے کنے ہے مگر ایں مافیا دے خلاف کوئی کارروائی عمل اچ نی گھن آئی ڳئی ،جناح گارڈن قومی اسمبلی دی کوآپریٹو ہائوسنگ سوسائٹی دی 1100 کنال زمین تے قبضہ کررکھیے۔ قومی اسمبلی اچ شیخ روحیل اصغر دے سوال دے جواب اچ وزیر پارلیمانی امور مرتضیٰ جاوید عباسی آکھیے جتھاں وی ٻوٹے لاوݨ دی لوڑھ محسوس تھئی لاتے ویسن ایں توں ماحول اچ بہتری آسی ۔ مولانا عبدالاکبر چترالی دے سوال دے جواب اچ وزیرپارلیمانی امور آکھیے وفاقی دارالحکومت اچ مختلف سیکٹرز اچ نرسریاں قائم ہن جتھاں ٻوٹے رادھے ویندن ۔ وفاقی حکومت وی لکھاں ٻوٹیں دی شجرکاری کرݨ دا پروگرام تشکیل ݙتے ۔ شائستہ پرویزملک دے سوال دے جواب اچ مرتضیٰ جاوید عباسی آکھیے صوبیں دی شجرکاری کیتے اقدامات چاتن، شجرکاری کیتے آئی پی سی دے فورم تے وفاقی حکومت اتے صوبیں وچال کوآرڈینیشن دی تجویز متعلقہ حکام تئیں پڄا ݙتی ویسی ۔ نصیبہ چنا دے سوال دے جواب اچ وزیر پارلیمانی امور آکھیے جناح گارڈن ہائوسنگ سوسائٹی ا ین او سی دی سنگین خلاف ورزیاں کیتن ۔ سوسائٹی دے ممبران نال زیادتیاں دا ازالہ نی کیتا ڳیا ۔ انہاں مسیتاں تے 12 پارکس بݨاوݨے ہن مگر صرف 4 مسیتاں تے 6 پارک بݨائے ڳئن ، کیس ایف آئی اے وچ ہے مگر کوئی قابل ذکر کارروائی نی تھئی ۔
