شمالی وزیرستان دے علاقے دردونی اچ سکیورٹی فورسز دا آپریشن ، پاک فوج دے 6 اہلکار شہید، 3 دہشت گرد جہنم واصل

راولپنڈی۔4مئی (اے پی پی) شمالی وزیرستان دے علاقے دردونی اچ سکیورٹی فورسز دا آپریشن ، پاک فوج دے 6 اہلکار شہید، 3 دہشت گرد جہنم واصل تھی ڳے۔ آئی ایس پی آر موجب شمالی وزیرستان دے علاقے دردونی اچ سکیورٹی فورسز اتے دہشت گرداں وچال فائرنگ تھئی جئیں پاروں پاک فوج دی چھی سپاہی شہید تھیے اتے فورسز ولوں جوابی فائرنگ اچ ترائے دہشت گرد ماریے ڳے۔ سکیورٹی فورسز دہشت گرداں کوں موثر جواب ݙتا اتے فائرنگ اچ ݙو دہشت گرد وی زخمی تھین۔ آئی ایس پی آر موجب شہداء اچ حوالدار سلیم خان، نائیک جاوید اقبال، سپاہی نذیر خان، سپاہی حضرت بلال، سپاہی سید رجب حسین، سپاہی بسم اللہ جان شامل ہن۔