اسلام آباد۔5مئی(اے پی پی) صدر مملکت ڈاکٹر عارف علوی شہدا دی وطن کیتے خدمات اتے قربانی تے انہاں کوں شاندار الفاظ اچ خراج عقیدت پیش کیتے۔ ایوان صدر دے پریس ونگ توں جاری بیان موجب صدر مملکت پاک فوج دے شہدادے لواحقین کوں ٹیلی فون کرتے انہاں نال اظہارِ افسوس کیتے۔ ڈاکٹرعارف علوی 28 اپریل کوں لکی مروت اچ شہید تھیوݨ آلے پاک فوج دے جواناں دے ورثا نال …
صدر مملکت دا پاک فوج دے شہیدا تھیوݨ آلے نینگراں دے وارثاں کوں ٹیلی فون،شہدا کوں خراج عقیدت
اسلام آباد۔5مئی(اے پی پی) صدر مملکت ڈاکٹر عارف علوی شہدا دی وطن کیتے خدمات اتے قربانی تے انہاں کوں شاندار الفاظ اچ خراج عقیدت پیش کیتے۔ ایوان صدر دے پریس ونگ توں جاری بیان موجب صدر مملکت پاک فوج دے شہدادے لواحقین کوں ٹیلی فون کرتے انہاں نال اظہارِ افسوس کیتے۔ ڈاکٹرعارف علوی 28 اپریل کوں لکی مروت اچ شہید تھیوݨ آلے پاک فوج دے جواناں دے ورثا نال فون تے ڳالھ کیتی ۔ صدر مملکت نائب صوبیدار تاجمیر، حوالدار ذاکر احمد اتے سپاہی عابد حسین دے لواحقین نال ڳالھ مہاڑ کیتی ۔ صدر مملکت شہدا دی فرض نال لڳن اتے وطن نال محبت تے انہاں کوں سلام پیش کیتے ۔ انہاں قوم دی طرفوں شہدا دے خانداناں دا شکریہ ادا کیتے۔ صدر مملکت شہدا دے اچے درجات دی دعا کیتی تے لواحقین نال اظہار ہمدردی کیتے انہاں کیتے صبر دی دعا کیتی۔
