اسلام آباد۔8مئی (اے پی پی):پاکستان مسلم لیگ(ن) دے سنیئر رہنما وسابق ڈپٹی سپیکرقومی اسمبلی و سینیٹر چودھری جعفراقبال آکھیے جمہوریت تے یقین رکھݨ آلی قیادت مذاکرات دا دروازہ بند نی کریندی ، پی ٹی آئی مذاکراتی ٹیم عمران نیازی اتے انہاں دے فرنٹ میناں دے خلاف مقدمات دا خاتمہ چاہندی ہئی ایہا وجہ اے جو حکومتی اتحاد توں تھیوݨ آلے پی ٹی آئی دے مذاکرات دا نتیجہ خیز ثابت نی تھئے ۔ اپݨے بیان اچ انہاں آکھیے مسلم لیگ(ن) اے چاہندی اے جو ملک معاشی طور تے مزید کمزور نہ تھیوے تے پی ٹی آئی دی وجہ توں معیشت پہلے ہی تباہ تھی چکی اے ،ملک کوں بحراناں اچ پاوݨ آلیں دا پاکستان دی سیاست اچ ہݨ کوئی مستقبل کائنی ،پی ٹی آئی سیاسی جماعت کائنی بلکہ سیاسی جماعتاں توں کڈھیے ڳئے لٹیرے چوراں دا چوں چوں دا مربہ اے،عمران نیازی اپݨے مفاد کیتے سیاست کریندے پئن اینکوں ملک وقوم دے مستقبل دی کوئی فکر کائنی ۔ چودھری جعفراقبال مزید آکھیے موجودہ حکومت وزیراعظم شہبازشریف اتے انہاں دی ٹیم دی بھارت اچ شنگھائی تعاون تنظیم کانفرنس اچ جرات مندانہ سفارت کاری توں ھک پاسے بھارت اچ موجود بال ٹھاکرے خوش کائنی تاں اتھاں پاکستان اچ سرتے ٻالٹی رکھݨ آلا نام نہاد سیاستدان وی خوش کائنی ۔
