سینیٹ دی قائمہ کمیٹی امور خارجہ دا اجلاس 25 مئی کوں تھیسی

اسلام آباد۔12مئی(اے پی پی) سینیٹ دی قائمہ کمیٹی امور خارجہ دا اجلاس 25 مئی کوں پارلیمنٹ ہائوس وچ تھیسی ۔ سینیٹ سیکرٹریٹ  موجب شنگھائی تعاون تنظیم  (ایس سی او)  دی وزرائے خارجہ کونسل دے بھارت اچ تھیوݨ آلے اڄوکے اجلاس اچ وزیر خارجہ بلاول بھٹو زرداری دی شرکت  توں پاکستان کوں ملݨ آلے سفارتی، اقتصادی، امن و سلامتی اتے سٹریٹجک  اہداف بارے بریفنگ ݙتی ویسی ۔ اجلاس دے شرکا کوں بھارت دے غیر قانونی زیر تسلط جموں و کشمیر اچ جی 20 ملکاں دے “یوتھ ٹونٹی” دے مجوزہ اجلاس اتے متعلقہ ملکاں کوں اجلاس توں پہلے پاکستان دے موقف توں آگاہی بارے بریفنگ ݙتی ویسی جݙاں جو اجلاس کوں اے ڳالھ وی ݙسائی ویسی جو ۔ چین دا جی ۔20  دا بائیکاٹ عالمی برادری بالخصوص جی ٹونٹی ملکاں کو اے یاد کراوݨ دا بہترین موقع ثابت تھی سڳدے جو جموں و کشمیر  اقوام متحدہ  دی قرار داداں دے مطابق ھک متنازع علاقہ اے۔ اجلاس دی صدارت کمیٹی دے چیئرمین سینیٹرفاروق ایچ نائیک کریسن جݙاں جواجلاس اچ کمیٹی دے ارکان تے متعلقہ  حکام شرکت کریسن ۔