پاکستانی تریمت کوہ پیما نائلہ کیانی دنیا دی اُچی چوٹی ماؤنٹ ایوریسٹ سرکر ڳھدی

اسلام آباد۔14مئی(اے پی پی):پاکستان دی تریمت کوہ پیما نائلہ کیانی دنیا دی ساریں توں اتے چوٹی ماؤنٹ ایوریسٹ سر کرڳھدی ،او 8ہزار میٹر توں اتے دنیا دی پنج چوٹیاں سر کرݨ آلی پہلی پاکستانی خاتون کوہ پیما ہن۔نائلہ کیانی 8ہزار 8سو48 میٹراچی دنیا دی ساریں توں اتے چوٹی ماؤنٹ ایوریسٹ سر کر تے  پاکستان کیتے وݙا اعزاز حاصل  کرتےدنیا دی بلندترین چوٹی تے سبز ہلالی پرچم لہراݙتا،  کوہ پیما نائلہ ایں توں پہلے کے ٹو، اَنا پورنا، گشہ بروم۔ون تے گشہ بروم۔ٹو سر کرچکن ۔ نائلہ کیانی دا اڳلا ہدف دنیا دی چوتھی بلند چوٹی ماؤنٹ لوہٹسے سر کرݨ اے ۔