ذیلی پولیو مہم  سارے صوبیں دے مخصوص اضلاع اچ شروع تھی ڳئی، والدین اپݨے ٻالاں کوں پولیو دے قطرے ضرور پلاون ،وفاقی وزیر صحت عبدالقادر پٹیل

اسلام آباد۔15مئی(اے پی پی):وفاقی وزیر صحت عبدالقادر پٹیل آکھیے ذیلی پولیو مہم سنوارتوں سارے صوبیں دے مخصوص ضلعیں اچ شروع تھی ڳئی اے ، والدین اپݨے 5 سال توں گھٹ عمر د سارے ٻالاں کوں پولیو دے حفاظتی قطرے ضرور پلاون ،مہم دے دوران ملک دے مخصوص اضلاع اچ 23 ملین توں ودھ ٻالاں کوں حفاظتی قطرے پائے ویسن ۔  وزارت صحت توں جاری بیان موجب وفاقی وزیر آکھیے ذیلی پولیومہم ݙو مرحلیں اچ چلائی ویسی ۔ پہلا مرحلہ 15 توں 19 مئی تئیں اسلام آباد سودھے پنجاب دے 12 اضلاع، بلوچستان دے 18 اضلاع اتے سندھ دے 17 اضلاع اچ منعقد کیتی ویسی جݙاں جو ھک ݙوجھے مرحلے اچ مہم خیبرپختونخوا دے 22اضلاع اچ 22 مئی توں 26 مئی تئیں ہوسی تے 29 مئی توں 5 جون تئیں جنوبی خیبرپختونخوا دے 07 اضلاع اچ مہم ہوسی۔ تقریباً 100,000 توں ودھ تربیت یافتہ صحت محافظ پولیو ورکرز گھر گھر ونڄ تے پنج سال تئیں دے ٻالاں کوں حفاظتی قطرے پلائے ویسن ۔