بی آئی ایس پی دے مراکز اچ خصوصی لوکاں کوں ترجیحی بنیاداں تے سہولتاں ݙتی ویندی پن، شازیہ مری

اسلام آباد۔16مئی  (اے پی پی) قومی اسمبلی کوں ݙسیا ڳیا جو بی آئی ایس پی دے مراکز اچ خصوصی لوکاں کوں ترجیحی بنیاداں تے سہولتاں ݙتی ویندی پن۔ وسائل اچ ودھارے تے مشاہیرے اچ ودھارا کیتا ویندا پے ۔ منگل کوں قومی اسمبلی اچ بی آئی ایس پی دے تحت معذوراں کیتے انڄ ڈیسک ٻݨاوݨ بارے مولانا عبدالاکبر چترالی اتے ٻنہاں دے توجہ مبذول نوٹس تے وفاقی وزیر آکھیا جو اے ہک اہم موضوع اے، تحصیل سطح تے ݙو ݙیسک ہوندن، معذوراں کوں ترجیحی بنیاداں تے سہولتاں ݙتی ویندن۔ انہاں آکھیا جو بی آئی ایس پی جیڑھا سکور ٻݨائے او 32 پوائنٹس تے اے اتے کہیں ٹٻر اچ کوئی معذور اے تاں اے سکور 37 پوائنٹس رکھیا ڳے۔ مشاہیرہ سارے مستحقین کوں ہکو سواں ݙتا ویندے۔ ہݨ سہ ماہی مشاہیرہ 8750 روپے کر ݙتا ڳے۔ ایں ویلھے معذوراں تے مشتمل 19043 ٹبراں دا تعین کیتا ڳے۔