پی ٹی آئی دی تشدد اتے افراتفری دی سیاست ٻاہرلی سازش دا حصہ اے، عمران خان دی تحریک انصاف، انصاف دے ناں تے دھبہ اے، وفاقی وزیر سید خورشید شاہ

اسلام آباد۔16مئی (اے پی پی) وفاقی وزیر آبی وسائل سید خورشید احمد شاہ آکھیا جو پی ٹی آئی دی تشدد اتے افراتفری دی سیاست ٻاہرلی سازش دا حصہ اے، عمران خان دی تحریک انصاف، انصاف دے ناں تے دھبہ اے اتے انصاف کیتے ایں جماعت دوہرے معیار ایں ملک دی پاڑاں کھوکھلی کیتن۔ منگل کوں اپݨے بیان اچ انہاں آکھیا جو عمران خان عوام اتے سکیورٹی اداریاں کوں آمھے سامھے کر تے ملک دے خلاف گھناؤنی سازش کیتی اے پر خدا دا شکر اے جو سکیورٹی اداریاں دی برداشت اتے تحمل دی پالیسی ملک کوں بربادی توں بچا ڳھدے۔ انہاں آکھیا جو عمران خان دے دور اچ اداریاں دے سربراہواں کوں سݙ سݙ تے سیاسی مخالفین دی گرفتاری دے آرڈر ݙتے ویندے ہن اتے ولا ݙو ݙو سال تئیں انہاں کوں جیل اچ رکھݨ دا بندوبست وی کیتا ویندا ہئی۔ انہاں آکھیاجو ہݨ وی عمران خان قانون مطابق اپݨٰی گرفتاری تے پورے ملک اچ جلاؤ گھیراؤ کریندا پے۔ اے کلھا بندہ اے جینکوں ہکے ݙینھ ݙاہ ݙاہ کیساں اچ ضمانتاں مل ویندن۔ وفاقی وزیر آکھیا جو عمران خان دا ایجنڈا انتشار اتے افراتفری اے اتے 2014 توں تشدد اتے افراتفری دا اے سلسلہ تسلسل نال جاری اے۔ انہاں آکھیا جو معاشی ترقی کیتے امن ٻہوں ضروری اے اتے اساں جڳ کوں ݙکھاوݨے جو اساں پر امن لوک ہیسے۔