تریمتیں دی رَلت بغیر ترقی نی تھی سڳدی، آندے بجٹ اچ تریمتیں دی ترقی کیتے خصوصی اقدامات شامل کیتے ویسن، وفاقی وزیر پروفیسر احسن اقبال دی صدارت تریمتیں دی روزگار دے موقعیاں اچ شمولیت بارے اجلاس

اسلام آباد۔18مئی (اے پی پی) وفاقی وزیر منصوبہ بندی تے ترقی پروفیسر احسن اقبال آکھیا جو تریمتیں دی رَلت بغیر ترقی نی تھی سڳدی، آندے بجٹ اچ تریمتیں دی ترقی کیتے خصوصی اقدامات شامل کیتے ویسن، پاکستان دی تریمت ہر شعبے اچ کامیاب تھیندی پن، وزارت منصوبہ بندی تے ترقی ترقیاتی منصوبیاں کوں تریمتیں دی ترقی نال جوڑیے۔ اے ڳالھیں انہاں خمیس کوں تریمتیں دی روزگار دے موقعیاں اچ شمولیت بارے اجلاس دی صدارت کریندیں ہوئیں آکھی۔ وفاقی وزیر آکھیا جو تریمتیں ملک دی آبادی دا ادھ ہن، انہاں دے سانجھ دے بغیر ترقی نی تھی سڳدی۔ معاشی ترقی دا دارومدار تریمتیں کوں تعلیم اتے روزگار دے موقع ݙیوݨ اچ اے۔ بلوچستان دے علاقیاں اچ ٻالڑیاں کوں تعلیم ݙیوݨ بارے یونیورسٹیز دے کیمپسز ٻݨائے ڳن۔ انہاں آکھیا جو تریمتیں دی رَلت بغیر ترقی نی تھی سڳدی، آندے بجٹ اچ تریمتیں دی ترقی کیتے خصوصی اقدامات شامل کیتے ویسن۔