پاکستان کوں اڄوکی مشکلات توں کݙھݨ کیتے قومی ترجیحات تے نظر ثانی دی لوڑھ اے، صدر مملکت دی سینئر آفیسرز لیڈرشپ کورس دے شرکاء نال ڳالھ مہاڑ

اسلام آباد۔23مئی  (اے پی پی) صدر مملکت ڈاکٹر عارف علوی آکھیا جو پاکستان کوں اڄوکی مشکلات توں کݙھݨ کیتے قومی ترجیحات تے نظر ثانی دی لوڑھ اے۔ ساری اداریاں دی قیادت دی ذمہ واری اے جو او وݙے چیلنجز نال نبڑݨ تے توجہ ݙیون۔ ایوان صدر دے پریس ونگ توں جاری بیان موجب صدرمملکت اے ڳالھیں سینئر آفیسرز لیڈرشپ کورس دے شرکاء نال ڳالھ مہاڑ کریندیں ہوئیں آکھی جنہاں منگل کوں ایوان صدر اچ ملاقات کیتی۔ صدرمملکت آکھیا جو صحت اتے تعلیم دی سہولتاں ݙیوݨ اتے معاشرےتوں عدم مساوات دے خاتمے دے وݙے چیلنجز ہن، غربت تے قابو پاوݨ، معیشت دی بہتری، آبادی اچ ودھارے کوں روکݨ تے توجہ ݙیوݨی پوسی۔ صدرملک اچ درگزر اتے انسانیت نال محبت دے جذبے کوں ودھاوݨ دی لوڑھ تے زور ݙیندیں ہوئیں آکھیا جو نومئی کوں تھیوݨ آلے واقعیاں توں شدید تکلیف تھئی اے۔ ماضی اچ فیصلہ سازی اچ دیر ملکی ترقی کوں روکیے۔