بھارت بین الاقوامی طور تے مسلمہ متنازعہ علاقے مقبوضہ سرینگر اچ کانفرنس دے ذریعے اپݨے مقصد کیتے ناکام رہیے، وزیر خارجہ بلاول بھٹو زرداری دا عوامی اجتماع توں خطاب

باغ ۔23مئی  (اے پی پی) پاکستان پیپلز پارٹی دے چیئرمین اور وزیر خارجہ بلاول بھٹو زرداری جی۔20 کانفرنس اچ شریک تھیوݨ آلے ملکاں کوں خراج تحسین پیش کریندیں ہوئیں آکھیا جو بھارت بین الاقوامی طور تے مسلمہ متنازعہ علاقے مقبوضہ سرینگر اچ کانفرنس دے ذریعے اپݨے مقصد کیتے ناکام رہیے، کشمیری عوام مودی کوں منہ بھن جواب ݙتے۔بھارت ایں قسم دے ڈرامے کرݨ دی بجائے اقوام متحدہ دی سلامتی کونسل دی قرارداداں اتے کشمیری عوام دی امنگاں موجب کشمیریاں کوں انہاں دا رائے شماری دا حق ݙیوے۔ جݙاں تئیں بھارت 5 اگست 2019ء دے ہک پاسہ اقدامات کوں واپس نی ڳھندا مذاکرات نی تھی سڳدے، یکا کشمیریاں دی جدوجہد نال شانہ بشانہ کھڑے رہیے، پاکستان امن پسند ملک اے جڈانجو بھارت دہشت گردی اچ ملوث اے۔ اے ڳالھیں انہاں منگل کوں سرینگر اچ جی۔20 کانفرنس کراوݨ دے خلاف ہک وݙے عوامی کٹھ توں خطاب کریندیں ہوئیں آکھی۔ بلاول بھٹو زرداری آکھیا جو ایں عوام کٹھ اچ آزاد کشمیر اتے پاکستان توں سیاسی جماعتاں دے رہنما شریک ہن جئیں تے انہاں دا شکریہ ادا کرینداں۔  وزیر خارجہ آکھیا جو انہاں ہک سال اچ ہر فورم تے کشمیریاں دی آواز موثر طور بلند کیتی، کشمیری عوام نال نسلاں دا تعلق اے، میں اپݨے ٹٻر دی تریجھی نسل ہم جو کشمیریاں دی نمائندگی کریندا پیاں۔ انہاں آکھیا جو اساں اقوام متحدہ دی قرارداداں موجب رائے شماری، مقبوضہ کشمیر اچ انسانی حقوق دے تحفظ اتے کشمیریاں دی جدوجہد آزادی دی ڳالھ کریندوں تاں بھارت اساکوں دہشت گرد آکھدے، اساں دہشت گردی توں متاثر تھیسے، اساں دہشت گرداں دی نی دہشت گردی توں متاثرہ اتے شہیداں دی نمائندگی کریندوں۔ وزیراعظم خارجہ آکھیا جو کشیریاں دی جدوجہد نال بھارت دی اصلیت بے نقاب تھی ڳی اے۔