بھارتی فضائیہ کوں لوہے دے چݨے چٻواوݨ آلے شیر دل پائلٹ ونگ کمانڈر حسن صدیقی دا “یومِ تکریمِ شہداءِ پاکستان” دے موقع تے پیغام

اسلام آباد۔24مئی(اے پی پی):بھارتی فضائیہ کوں لوہے دے چݨے چبواوݨ آلے پاکستان دے شیر دل پائلٹ ونگ کمانڈر حسن صدیقی “یومِ تکریمِ شہداءِ پاکستان” دے موقع تے  اپݨے پیغام اچ آکھیے جو پاکستان صرف خطہ ارض کائنی بلکہ ھک نظریہ اتے عزم دا ناں اے ۔ اپݨے پیغام اچ انہاں آکھیے “ایں نظریہ دی بقا کیتے افواج پاکستان کہیں قربانی توں دریغ نی کیتا “۔”اساں او زندہ قوم ہیسے جنہاں نہ صرف اپݨے شہیداں کوں اپݨے سینیں اچ زندہ رکھیا ہویا اے بلکہ ہمیشہ انہاں دا قرض لہاوݨ کیتے خود کوں تیار رکھیندے ہیں”۔انہاں آکھیے “میں دشمنان پاکستان کوں اے پیغام ݙیوݨ چاہنداں جو پاکستانی قوم دا وقار،  ایندے عزم اتے نظریہ پاکستان ساݙے کیتے ساریں توں اہم اے ۔