وفاقی وزیر خزانہ محمد اسحاق ڈار دی صدارت اقتصادی رابطہ کمیٹی دا اجلاس ، یوریا کھاد کیتے مقامی گیس اتے مختلف وزارتاں دی سپلیمنٹری گرانٹس دی منظوری

اسلام آباد۔24مئی  (اے پی پی) اقتصادی رابطہ کمیٹی یوریا کھاد کیتے مقامی گیس اتے مختلف وزارتاں دی سپلیمنٹری گرانٹس دی منظوری ݙے ݙتی اے۔ وفاقی وزیر خزانہ اتے ریونیو سینیٹر محمد اسحاق ڈار دی صدارت کابینہ دی اقتصادی رابطہ کمیٹی (ای سی سی) دا اجلاس بدھ کوں تھیا۔ وفاقی وزیر تجارت سید نوید قمر، وفاقی وزیر بجلی خرم دستگیر خان، وفاقی وزیر صنعت و پیداوار سید مرتضیٰ محمود، وفاقی وزیر برائے موسمیاتی تبدیلی سینیٹر شیری رحمان، وزیر مملکت برائے خزانہ تے محصولات ڈاکٹر عائشہ غوث پاشا، وزیراعظم دے معاون خصوصی برائے خزانہ  طارق باجوہ، وزیراعظم دے معاون خصوصی برائے ریونیو  طارق محمود پاشا، وزیر اعظم دے کوآرڈینیٹر برائے معیشت  بلال اظہر کیانی، وزیر اعظم دے کوآرڈینیٹر برائے تجارت و صنعت رانا احسان افضل وفاقی سیکرٹریز اتے ٻے سینئر اجلاس اچ شریک تھیے۔   وزارت صنعت و پیداوار سال 2023 کیتے یوریا کھاد دی لوڑھ بارے سمری پیش کیتی اتے ملک اچ یوریا کھاد دی صورتحال تے بریفنگ ݙتی۔  ای سی سی درج ذیل تکنیکی/ سپلیمنٹری گرانٹس تے غور اتے منظوری ݙتی۔ وزارت موسمیاتی تبدیلی اتے ماحولیات کوآرڈینیشن دے حق اچ 2.5 ملین،   وفاقی اتے صوبائی اکاؤنٹنٹ جنرلز اچ آن لائن بلنگ حل دے نفاذ کیتے کنٹرولر جنرل آف اکاؤنٹس (سی جی اے ) دے دفتر دے حق اچ 263.988 ملین روپے،  ریلوے انڈر پاس گوجرہ، ضلع ٹوبہ ٹیک سنگھ دی تعمیر” دے عنوان نال ترقیاتی سکیم تےعملدرآمد کیتے وزارت ہاؤسنگ اینڈ ورکس دے حق اچ 497.261 ملین روپے،  بیرون ملک انفارمیشن سروسز دے بجٹ دی ڳھٹکی پورا کرݨ کیتے وزارت اطلاعات و نشریات دے حق اچ 420 ملین۔ 10,746.216 ملین فیڈرل ڈائریکٹوریٹ آف امیونائزیشن (ایف ڈی آئی ) دے حق اچ صوبیاں دی بلاتعطل فراہمی کیتی ویکسین اتے سرنجاں دی خریداری کیتے پائیدار ترقی دے اہداف کیتے پروگرام (ایس اے پی ) کیتے کابینہ ڈویژن کیتے 20 ارب روپے۔ صدر سیکرٹریٹ دے حق اچ 25 ملین، 208 ملین انٹیلی جنس بیورو دے حق اچ 4000 ملین روپے دی منظوری ݙتی۔