سکیورٹی فورسز دا جنوبی وزیرستان اچ آپریشن ،6 دہشت گرد جہنم واصل

راولپنڈی۔24مئی  (اے پی پی) سکیورٹی فورسز دا جنوبی وزیرستان اچ آپریشن ،6 دہشت گرد جہنم واصل تھی ڳن۔ آئی ایس پی آر موجب دہشت گرداں دی موجودگی دی اطلاع تے سکیورٹی فورسز جنوبی وزیرستان دے علاقے کوٹ اعظم اچ خفیہ معلومات تے مبنی آپریشن(آئی بی او)کیتا۔ شدید فائرنگ دے تبادلے اچ چھی دہشت گرد ماریے ڳے، انہاں دہشت گرداں دے قبضے توں بھارتی اسلحہ، گولہ بارود برآمد تھیا۔ مارے ڳے دہشت گرد عام شہریاں اتے سکیورٹی فورسز تے حملے، بھتہ خوری اتے ٹارگٹ کلنگ اچ ملوث ہن۔ سکیورٹی فورسز ولوں علاقے اچ کلیئرنس آپریشن جاری اے۔ مقامی لوکاں آپریشن تے اطمینان کیتا اتے دہشت گردی دے خاتمے کیتے مکمل تعاون دا یقین ݙوایا۔