پوری قوم اپݨے شہدا  دی قدر کریندی اے ، او انہاں دیاں قربانیاں کوں ہمیشہ یاد رکھیسی ، صدر مملکت

اسلام آباد۔26مئی(اے پی پی):صدر مملکت ڈاکٹر عارف علوی وطن کیتے خدمات اتے قربانی تے شہدا کوں خراج عقیدت پیش کریندے ہوئیں آکھیے پوری قوم اپݨے شہدا دی قدر کریندی اے تے او انہاں قربانیاں کوں ہمیشہ یاد رکھیسی ۔ ایوانِ صدر دے پریس ونگ توں جاری بیان موجب صدر مملکت اے ڳالھ 20 مئی کوں ٹانک جنوبی وزیرستان اچ شہید تھیوݨ آلے نائیک محمد عتیق اتے رجب علی دے ورثا نال فون تے ڳالھ مہاڑ کریندے ہوئیں آکھی اے ۔ ڈاکٹر عارف علوی شہدا دے لواحقین نال ٹیلی فون تے اظہارِ تعزیت کیتی تے شہدا کوں خراج عقیدت پیش کیتے۔ صدر مملکت 20 مئی کوں گلاب پوسٹ بلوچستان اچ شہید تھیوݨ آلے سپاہی مدثر حمید اتے عبد القدیر دے لواحقین نال وی ڳالھ کیتی ، انہاں 20 مئی کوں زرغون بلوچستان اچ شہید تھیوݨ آلے سپاہی ظہیر احمد دے خاندان نال وی رابطہ کیتے تے شہدا دی وطن کیتے ودھ ساری خدمات اتے قربانی تے انہاں کوں خراج عقیدت پیش کیتے۔ صدر مملکت آکھیے پوری قوم اپݨے شہدا دی قدر کریندی اے تے انہاں دیاں قربانیاں کوں ہمیشہ یار رکھیسی ۔