پاکستان دے بہترین آئی ٹی ماہرین، ٹائم زون اتے انگریزی لب و لہجے، دنیا اچ وکھری اہمیت رکھیندن ،سید امین الحق

اسلام آباد۔1جون(اے پی پی):وفاقی وزیرانفارمیشن ٹیکنالوجی (آئی ٹی) سید امین الحق آکھیے پاکستان دے بہترین آئی ٹی ماہرین، ٹائم زون اتے انگریزی لب و لہجے، دنیا اچ وکھری اہمیت رکھیندن، دنیا ہݨ پاکستانی نینگراں دی انفارمیشن ٹیکنالوجی اچ مہارت دا برملا اعتراف کریندی پئی اے ۔ خمیس کوں وزارت آئی ٹی توں جاری پریس ریلیز موجب اے ڳالھ انہاں مراکش اچ گلوبل انفارمیشن ٹیکنالوجی نمائش دے افتتاح  دے موقع تے  عالمی رہنماواں اتے انفارمیشن ٹیکنالوجی دے ماہرین و کاروباری وفد نال ملاقاتاں اچ آکھی اے ۔ وفاقی وزیرآئی ٹی سید امین الحق دی مراکش اچ جائیٹکس گلوبل نمائش دی افتتاحی تقریب اچ شرکت کیتی۔ انفارمیشن ٹیکنالوجی دے حوالے نال ترائے ݙینھ وار عالمی نمائش مراکش اچ 31 مئی توں 2 جون تئیں جاری رہسی گلوبل انفارمیشن ٹیکنالوجی نمائش اچ پوری دنیا توں 400 توں ودھ ٹیک کمپنیاں اتے عالمی وفد شریک ہن۔ سید امین الحق دی قیادت اچ وفد اچ ممبر آئی ٹی جنید امام، چیئرمین پاشا زوہیب خان شامل ہن۔ جائیٹکس نمائش اچ پہلی واری پاکستان توں 14 کمپنیاں، 10 اسٹارٹ اپس اتے 200 توں ودھ آئی ٹی ماہرین شریک ہن ۔

سید امین الحق نمائش اچ پاکستانی پویلین دا افتتاح کیتا، اتے مختلف ملکاں دے وفد نال ملاقاتاں کیتن ۔وفاقی وزیر آئی ٹی دی سیکریٹری جنرل،ڈیجیٹل تعاون تنظیم محترمہ دیمہ الیحیٰ نال ݙو طرفہ معاملات تے اہم ملاقات تھئی ۔ سید امین الحق ہواوے دے صدرکولن ہُو نال ملاقات، ہواوے پویلین دا دورہ وی کیتے ۔دبئی چیمبر آف ڈیجیٹل اکانومی دے نائب صدر سعید الغرغوی نال وی وفاقی وزیر ملاقات کیتی تے پاکستان اچ سرمایہ کاری مواقع تے ڳالھ مہاڑ کیتی ۔ مراکش دے سابق وزیر آئی ٹی اینڈ ٹرانسپورٹ رباہ عزیز پاکستانی پویلین دا دورہ کیتے۔ وفاقی وزیر آئی ٹی امین الحق نال نائیجیریا دے صوبے لاگوس دے گورنر باباجید سنوہ اولُو ملاقات کیتی۔ عالمی وفد  نال ملاقاتاں اچ پاکستان اچ انفارمیشن ٹیکنالوجی اچ انقلابی اقدامات سودھے گلوبل چیلنجز تے ڳالھ مہاڑ کیتی ۔