وزیر مملکت خارجہ امورحنا ربانی کھر 5 توں 13 جون کوں ناروے، سویڈن، ڈنمارک اتے بیلجئم دے دورے کریسن

اسلام آباد۔3جون(اے پی پی) وزیر مملکت خارجہ امورحنا ربانی کھر 5 توں 13 جون کوں ناروے، سویڈن، ڈنمارک اتے بیلجئم دے دورے کریسن۔ ترجمان دفتر خارجہ ݙسائے جو اپݨے دورے اچ وزیر مملکت ترقی، تجارت و موسمیاتی تبدیلی اچ سیاسی مشغولیت اتے تعاون سانڳے وزارتی سطح تے ملاقاتاں کریسن۔ او قانون سازاں اتے مقامی تاجراں نال وی ملسن۔ حنا ربانی کھر بیلجئم اچ یورپی پارلیمنٹ دے اراکین و یورپی کمیشن دے سینئر حکام نال ملسن۔ او سویڈن اچ یورپی کونسل برائے خارجہ تعلقات (ای سی ایف آر)دے سالانہ اجلاس اچ شرکت کریسن۔