سینیٹ دی قائمہ کمیٹی سائنس و ٹیکنالوجی دا اجلاس 6 جون کوں تھیسی ، بجٹ تجاویز تے بریفنگ ݙتی ویسی

اسلام آباد۔5جون(اے پی پی):سینیٹ دی قائمہ کمیٹی سائنس و ٹیکنالوجی دا اجلاس منڳل 6 جون کوں تھیسی ، شرکا کوں وزارت سائنس اینڈ ٹیکنالوجی دے مالی سال 24-2023دے سرکاری شعبہ دے ترقیاتی پروگرام دی بجٹ تجاویز تے بریفنگ ݙتی ویسی ۔ سینیٹ سیکرٹریٹ موجب اتھاں وزارت سائنس اینڈ ٹیکنالوجی اچ تھیوݨ آلے اجلاس دی صدارت کمیٹی دے چیئرمین سینیٹر سردار محمد شفیق ترین کریسن ۔ اجلاس اچ پاکستان حلال اتھارٹی ترمیمی ٻل2023 پاکستان سٹینڈرڈ کوالٹی کنٹرول اتھارٹی ترمیمی ٻل 2023 وی زیر غور آسی ۔ کامسیٹس یونیورسٹی دے ریکٹر دی طرفوں اجلاس کوں بریفنگ ݙتی ویسی ۔ وزارت سائنس اینڈ ٹیکنالوجی دی طرفوں اجلاس دے شرکا کوں مالی سال 24-2023دے سرکاری شعبہ دے ترقیاتی پروگرام دی بجٹ تجاویز تے بریفنگ ݙتی ویسی ۔ اجلاس اچ کمیٹی دے ارکان، وفاقی وزیر سائنس اینڈ ٹیکنالوجی اتے ٻئے متعلقہ حکام شرکت کریسن ۔