سیکیورٹی فورسز ضلع باجوڑ اچ آپریشن وچ 4 دہشت گرداں کوں جہنم واصل کرݙتے،  ھک دہشت گرد گرفتار

راولپنڈی۔13اگست (اے پی پی):سیکیورٹی فورسز ضلع باجوڑ اچ آپریشن کرتے 4 دہشت گرداں کوں جہنم واصل جݙاں جو ھک دہشت گرد کوں گرفتار کر ڳھدے ۔ ھک نینگر جام شہادت نوش کیتے۔ پاک فوج دے تعلقات عامہ (آئی ایس پی آر)توں پریس ریلیز موجب 12/13 اگست 2023 دی وچلی رات سیکیورٹی فورسز دہشت گرداں دی موجودگی دی اطلاع تے ضلع باجوڑ دے علاقے چارمنگ اچ انٹیلی جنس تے مبنی آپریشن کیتا، جیں دوران سیکورٹی فورسز اتے دہشت گرداں وچال شدید فائرنگ دا تبادلہ تھئے ۔آپریشن اچ 4 دہشت گرداں کوں جہنم واصل کر ݙتا ڳئے جݙاں جو ھک دہشت گرد کوں گرفتار کر ڳھداا ڳئے ۔دہشت گرداں توں خودکش جیکٹ سودھے اسلحہ، گولہ بارود اتے دھماکہ خیز مواد وی برآمد تھئے۔