اسلام آباد۔11ستمبر(اے پی پی)نگراں وزیرِ اعظم انوار الحق کاکڑ حج انتظامات دے جائزے کیتے کمیٹی ٻݨاوݨ دا فیصلہ کریندے وزارت کوں آکھیے جو حجاج کیتے انتظامات اچ کوئی وی کمی نا چھوڑی ونڄے، نجی کمپنیاں دی سخت نگرانی کریندے حڄاج کوں ودھ سہولتاں ݙتیاں ونڄن۔ اے ہدایات نگران وزیر اعظم انوار الحق کاکڑ اسلام آباد اچ حج 2024 کیتے پیشگی تیاریاں بارے اعلیٰ سطح اجلاس دی اڳواݨی کریندے ݙتن۔ وزیرِ …
نگراں وزیرِ اعظم انوار الحق کاکڑ دا حج انتظامات کیتے جائزہ کمیٹی ٻݨاوݨ دا فیصلہ
اسلام آباد۔11ستمبر(اے پی پی)نگراں وزیرِ اعظم انوار الحق کاکڑ حج انتظامات دے جائزے کیتے کمیٹی ٻݨاوݨ دا فیصلہ کریندے وزارت کوں آکھیے جو حجاج کیتے انتظامات اچ کوئی وی کمی نا چھوڑی ونڄے، نجی کمپنیاں دی سخت نگرانی کریندے حڄاج کوں ودھ سہولتاں ݙتیاں ونڄن۔ اے ہدایات نگران وزیر اعظم انوار الحق کاکڑ اسلام آباد اچ حج 2024 کیتے پیشگی تیاریاں بارے اعلیٰ سطح اجلاس دی اڳواݨی کریندے ݙتن۔ وزیرِ اعظم، نگراں وزیرِ مذہبی امور انیق احمد اتے سیکرٹری مذہبی امور کوں اپݨی نگرانی اچ حج انتظامات دی پیشگی تیاری دا آکھیا جو وزارت مذہبی امور حج 2023 بارے حجاج شکایات تے جامع رپورٹ پیش کرے، وزارت مذہبی امور اتے وزارت انفارمیشن ٹیکنالوجی رل تے حجاج دی سہولیات اتے شکایات دے اندراج کیتے موبائل ایپلی کیشن اتے ویب سائٹ ٻݨاوݨ دی ہدایت کریندے حج انتظامات اچ بہتری بارے اصلاحاتی کمیٹی ٻݨاوݨ دا وی آکھیا۔ وزیرِ اعظم نگراں وزیرِ مذہبی امور اتے سیکرٹری مذہبی امور کوں سعودی عرب دا دورہ کرݨ، آپ حج 2024 دی تیاری دی نگرانی کرݨ اتے مفصل رپورٹ ݙیوݨ دی ہدایت کیتی۔
