نگران وزیراعلیٰ پنجاب محسن نقوی دی صدارت اچ اجلاس

لاہور ۔13ستمبر(اے پی پی) نگران وزیراعلیٰ پنجاب محسن نقوی دی صدارت اچ اجلاس تھئے جیں اچ 9مئی اتےجڑانوالہ دے واقعات متعلق رپورٹاں تے پیشرفت دا جائزہ ڳھدا ڳئے ۔نگران وزیراعلیٰ ترائے وزرا اتے اعلیٰ افسراں تے مشتمل ٹیم کوں جڑانوالہ دا دورہ کرتےرپورٹ پیش کرݨ دی ہدایت کیتی تے 9مئی دے واقعات تے لاہور دے سارے چالان 3 ݙینھ اچ پیش کرݨ دا حکم ݙتا ۔اجلاس اچ فیصلہ کیتا ڳئے جو 9مئی دے ملزماں دے جیل اچ روزانہ ٹرائل دے فیصلے تے عمل درآمد یقینی بݨایا ونڄے ۔بریفنگ اچ وزیراعلی کوں ݙسایا ڳیا جو جڑانوالہ اچ 9 گرجا گھراں دی تعمیر تے تزئین مکمل تھی چکی اے ۔ وزیراعلیٰ 13گرجا گھراں دی تعمیر اتے بحالی دے کم کوں ݙو ہفتے اچ مکمل کرݨ دی ہدایت کیتی ۔