شہر دے مختلف علاقیں اچ وسݨ آلے مینھ دا ریکارڈ جاری

لاہور۔18ستمبر(اے پی پی) واسا لاہور شہر دے علاقیں اچ وسݨ آلے مینھ دا ریکارڈ جاری کرݙتے ۔ واسا ہیڈ آفس دے کنٹرول روم دی طرفوں جاری رپورٹ موجب سنوار دے ݙینھ پہلے سپل اچ جیل روڈ تے 4  ملی میٹر، ایئرپورٹ تے 2.2 ملی میٹر ،ہیڈ آفس گلبرگ اچ 2 ملی میٹر، لکشمی چوک ھک ملی میٹرپاݨی آلا تالاب 2 ملی میٹر، فرخ آباد 3 ملی میٹر ، گلشن راوی 4،  اقبال ٹاون 3 ملی میٹر، سمن آباد اچ 4 ملی میٹر، جوہر ٹاون اچ ھک ملی میٹر مینھ وٹھے اتے قرطبہ چوک اچ ھک ملی میٹر مینھ ریکارڈ کیتا ڳئے ۔ ترجمان موجب ایم ڈی واسا غفران احمد آکھیے واسا لاہور دے پاݨی آلے علاقیں توں ترجیحی بنیاداں تے پاݨی کڈھیا ویندا پئے ، مزید مینھ وسݨ دی صورت اچ کہیں وی ہنگامی صورتحال نال نبݨݨ سانگے افسر،عملہ اتے مشینری فیلڈ اچ ہر ویلھے متحرک اے ۔