راولپنڈی ،نقلی صحافی بݨ تے لوکاں کوں بلیک میل کرݨ آلا ملزم گرفتار

راولپنڈی ۔18ستمبر(اے پی پی) ایف آئی اے سائبر کرائم سرکل راولپنڈی ھک کارروائی اچ نقلی صحافی بݨ تے لوکاں کوں بلیک میل کرݨ آلے ملزم کوں گرفتار کرڳھدے۔ ایڈیشنل ڈائریکٹر سائبر کرائم سرکل راولپنڈی دی ہدایات تے مالی فراڈ اچ ملوث ملزم کوں شیخوپورہ توں گرفتار کیتا ڳئے۔ ملزم انعامی اسکیم دے ناں تے شکایت کنندہ  توں لکھاں روپے ڳھدے ۔ ملزم دے قبضے توں لٹیے ڳئے لکھاں روپے وی برآمد کرڳھدے ڳئن ۔ ابتدائی تفتیش موجب ملزم نجی ٹی وی چینل دا نمائندہ بݨ تے روزانہ سادے شہریاں کوں کالاں کریندا ہئی ۔