آندے چووی گھنٹے اسلام آباد سودھے ملک دے کجھ علاقیں اچ اندھاری تے کھمݨ نال مینھ وسݨ دا امکان

اسلام آباد۔24ستمبر(اے پی پی)آندے چووی گھنٹے اسلام آباد،  پنجاب ،خطہ پوٹھوہار، خیبر پختونخوا، گلگت بلتستان اتے کشمیر اچ ہوا گھلݨ ، اندھاری تے کھمݨ نال مینھ وسݨ دا امکان اے ۔ ایں ویلھے شمال مشرقی  اتلے پنجاب تے خیبر پختونخوا اچ کجھ جہیں تے موسلادھار مینھ وس سڳدے۔ محکمہ موسمیات موجب گزریل چووی گھنٹے اچ پنجاب، خیبر پختونخوا ، گلگت بلتستان اتے گڑھی دوپٹہ اچ مینھ وسیا ہوا گھلی جݙاں جو ملک دیاں ٻیاں جہیں تے موسم تتا تے رکھا رہیا ساریں توں ودھ مینھ فیصل آباد (جی ایم اے 86، سٹی 42، علامہ اقبال کالونی 40، گلستان کالونی 33، ڈوگر وستی 24،مدینہ ٹاون 12)، قصور16،سرگودھا 15، نور پور تھل 10 ،لاہور ( ائیرپورٹ 7،سٹی 2)،اوکاڑہ 4، ڈی جی خان 3، بنوں 70، مالم جبہ ،پٹن 6 ،بالاکوٹ 2، دروش ، میر کھانی ، باچاخان ائیرپورٹ ھک،  گڑھی دوپٹہ 3 اتے بگروٹ اچ 02 ملی میٹر مینھ وسیےے۔ اتوار کوں ریکارڈ کیتے ڳئے ودھ توں ودھ درجہ حرارت دی رپورٹ موجب تربت ، سبی اتے رحیم یارخان اچ درجہ حرارت 41ڈگری سینٹی گریڈریکارڈ کیتا ڳئے۔