سپیکر قومی اسمبلی دا شیخوپورہ اچ ریل گاݙی حادثے اچ 20 لوکاں دے زخمی تھیوݨ تے افسوس

اسلام آباد۔24ستمبر(اے پی پی):سپیکر قومی اسمبلی راجہ پرویز اشرف ضلع شیخوپورہ اچ ریل گاݙی دے حادثے اچ 20 لوکاں توں ودھ دے زخمی تھیوݨ تے افسوس کریندے ہوئیں حادثے اچ زخمی تھیوݨ آلیں تے انہاں دے لواحقین نال دلی ہمدردی کیتی اے ۔جاری بیان اچ سپیکر متعلقہ حکام کوں زخمیاں کوں بہترین طبی سہولتاں ݙیوݨ دی ہدایت کریندے ہوئیں آکھیے حادثے دی مکمل تحقیقات دے بعد غفلت ورتݨ آلیں دے خلاف سخت قانونی کاروائی تھیوݨی چاہیدی اے ۔