وزیر اعظم دی معاون خصوصی برائے انسانی حقوق مشعال حسین ملک دی سعودی عرب دے قومی ݙینھ تے سعودی حکومت اتے عوام کوں مبارخ

اسلام آباد۔25ستمبر  (اے پی پی) وزیر اعظم دی معاون خصوصی برائے انسانی حقوق مشعال حسین ملک آکھیا جو سعودی عرب پوری دنیا اچ مسلماناں دی نمائندگی ہمیشہ سوھݨے انداز نال کیتی اے۔ سعودی عرب دے قومی ݙینھ تے سعودی حکومت اتے عوام کوں مبارخ ݙیندیں ہوئیں آکھیا جو انہاں سعودی عوام کوں قومی ݙینھ تے دل دی گہرائیاں نال مبارخ ݙتی۔ سعودی ولی عہد شہزادہ محمد بن سلمان سعودی عرب کوں ترقی اتے خوشحالی دی نویں راہ تے ٹریندے پئن۔ مشعال ملک آکھیا جو سارے حالات اچ سعودی عرب ہمیشہ پاکستان دا ساتھ ݙتے۔ سعودی عرب ہمیشہ مسئلہ کشمیر تے کشمیریاں دے موقف دی حمایت کیتی اے۔ پوری پاکستان اتے کشمیری قوم سعودی عرب دی خوشحالی اتے ترقی کیتے دعاگو ہن۔