نگران حکومت دے اڄوکے انتظامی اقدامات پاکستانی روپے کوں امریکی ڈالر دے مقابلہ مضبوط کیتے، انوار الحق کاکڑ

لندن ۔25ستمبر  (اے پی پی) نگران  وزیراعظم انوار الحق کاکڑ آکھیا جو عالمی بینک، ایشیائی ترقیاتی بینک اتے دوست ملکاں ولوں رقم ملݨ سودھے مثبت اشاریاں مہانگ اچ ڳھٹکی، زرمبادلہ دے ذخائر کوں مستحکم اتے صنعتی ترقی دی بحالی اچ اہم کردار ادا کیتے۔ نگران حکومت دے اڄوکے انتظامی اقدامات پاکستانی روپے کوں امریکی ڈالر دے مقابلہ مضبوط کیتے۔ سنوار کوں وزیراعظم آفس دے میڈیا ونگ توں جاری پریس ریلیز موجب نگراں وزیراعظم نال لندن دی کیپٹل تے فنانشل مارکیٹ دے سینئر رہنماواں پاکستان ہاؤس لندن اچ ملاقات کیتی۔ ملاقات کرݨ آلیاں اچ سرمایہ کاری کرݨ آلی فرماں اچ فیلڈیلٹی انٹرنیشنل لمیٹڈ (ایف آئی ایل)، ولنگٹن مینجمنٹ، اشمور، جیفریز انٹرنیشنل، ریڈ ویل کیپٹل، سویٹیکس انڈسٹریل ایس اے، آکسفورڈ فرنٹیئر کیپٹل، گارنٹکو، جے پی مورگن، کالراک کیپٹل اتے یو بی ایل (یوکے) دے نمائندے شامل ہن۔ وزیراعظم وفد کوں پاکستان دے اڄوکے معاشی منظر نامہ بارے ݙسیندیں ہوئیں ٻاہرلے کھاتیاں دی بہتری کیتے حکومتی اقدامات تے روشنی پاتی۔ وزیراعظم انہاں کوں یقین ݙوایا جو پاکستان اچ آئی ایم ایف نال معاہدے اچ کیتی ڳئی اصلاحات کر تے آئی ایم ایف پروگرام نال جڑت دا اظہار کیتے۔