فلم اتے ڈارامہ کہیں وی ملک دا عالمی سطح تے تشخص بہتر ٻݨاوݨ اچ اہم کردار ادا کر سڳدے، پاکستان اتے ترکیہ وچال میڈیا، ڈرامہ، فلمز سودھے مختلف شعبیاں اچ تعاون کوں ودھاوݨ دی لوڑھ اے، مرتضیٰ سولنگی

اسلام آباد۔5اکتوبر  (اے پی پی) نگران وفاقی وزیر اطلاعات تے نشریات مرتضیٰ سولنگی آکھیا جو فلم اتے ڈارامہ کہیں وی ملک دا عالمی سطح تے تشخص بہتر ٻݨاوݨ اچ اہم کردار ادا کر سڳدے، پاکستان اتے ترکیہ وچال میڈیا، ڈرامہ، فلمز سودھے مختلف شعبیاں اچ تعاون کوں ودھاوݨ دی لوڑھ اے۔ پاکستان ترکیہ نال آپݨے تعلقات کوں قدر نال ݙیکھدے۔ اے ڳالھ انہاں خمیس کوں ملاقات کیتے آئے پاکستان اچ ترک سفیر مہمت پچاجی نال ڳالھ مہاڑ کریندیں ہوئیں آکھی۔ ملاقات اچ تاریخی اتے برادرانہ تعلقات سودھے مختلف شعبیاں اچ تعاون بارے ڳالھ کیتی ڳئی۔ ݙوہیں ملکاں وچال اقتصادی، تجارتی، ثقافتی، سیاحت اتے عوامی سطح تے رابطے سودھے مختلف شعبیاں اچ ݙوپاسہ تعاون ودھاوݨ تے اتفاق تھیا۔