نینگر ذہناں کوں ذمہ وار اتے قابل شہری بݨاوݨ اچ استاداں دا کردار قابل قدر اے ، مدد علی سندھی

اسلام آباد۔5اکتوبر(اے پی پی) وفاقی وزیر تعلیم و پیشہ وارانہ تربیت مدد علی سندھی آکھیے نینگر ذہناں کوں ذمہ وار اتے قابل شہری بݨاوݨ اچ استاداں دا کردار قابل قدر اےساݙا عزم اے جو ہر ٻال عالمی معیار دی تعلیم تئیں رسائی گھنے ۔ استاداں دے جڳ ݙیھاڑ تے آپݨے بیان اچ انہاں آکھیے جو ایں موقع تے میں آپݨے سارے استاداں دی دلوں تعریف کرینداں جیڑھے ساݙے ملک دے مستقبل کیتے کوششاں کریندے پئن ۔ انہاں آکھیے نینگر ذہناں کوں ذمہ وار اتے قابل شہری بݨاوݨ اچ آپ دا کردار قابل قدر اے، انہاں آکھیے تعلیمی نظام اچ ونڈ کوں مکاوݨ ،ھک  منصفانہ اتے جامع نظام بݨاوݨ سانڳے پرعزم ہیسے ۔ اساکوں آپݨے طالبیں کوں گلوبلائزڈ، ڈیجیٹل دنیا اچ ترقی کرݨ سانڳے درکار مہارتاں اتے علم نال آراستہ کرݨا چاہیدے۔ انہاں آکھیے سارے استاداں کوں جدید ترین تدریسی طریقیں نال بااختیار بݨاوݨ سانڳے مسلسل پیشہ وارانہ ترقی دے موقع ݙتے ویسن، اڳلی نسل دی پرورش اچ آپ دی لڳن قابل تعریف اے۔