نواز شریف 21 اکتوبر کوں وطن واپس ضرور آسن ، شہباز شریف

لاہور۔6اکتوبر  (اے پی پی):مسلم لیگ (ن) دے صدر اتے سابق وزیر اعظم محمد شہباز شریف آکھیے اللہ تعالیٰ کوں منظور تھیا تاں محمد نواز شریف 21 اکتوبر کوں وطن واپس ضرور آ سن ،پی ڈی ایم دی حکومت کوں ہمالیہ جیہے چیلنج دا سامݨا ہئی ،معاشی بدحالی،دھرݨے اتے لانگ مارچ اساکوں ورثے اچ ملیے ، پی ٹی آ ئی دی حکومت ملک کوں مسئلیں اچ ٻوڑ ݙتا ہئی ،نواز شریف پاکستان کوں سی پیک دا عظیم تحفہ ݙتا۔اے ڳالھ انہاں ماڈل ٹائون پارٹی سیکرٹریٹ اچ پریس کانفرنس توں خطاب کریندے ہوئیں آکھی اے ، ایں موقع تے مسلم لیگ (ن) دی مرکزی رہنما مریم اورنگزیب،خواجہ سعد رفیق اتے پارٹی عہدیدار موجود ہن ۔ محمد شہباز شریف آکھیے ہݨ اے سوال کرݨ دی لوڑھ کائنی جو نوازشریف کݙاں وطن واپس آسن اے ڳالھ حتمی اے جو او 21  اکتوبر کوں پاکستان واپس ضرور آسن ، انہاں دے استقبال سانڳے تیاریا ں زور و شور نال جاری ہن ،نوازشریف پاکستان کوں معاشی چیلنجز توں کڈھݨ سانڳے مینار پاکستان تے ھک جلسہ اچ عوام کوں پیکج  ݙیسن ۔