اسلام آباد۔6اکتوبر(اے پی پی سرائیکی نیوز سروس)خواجہ فرید دی شاعری اڳوں یورپ دا فلسفہ کتھائیں ٻہوں پچھے رہ ڳئے ۔اے ڳالھ ماہر ثقافت ، معروف لکھاری ، محقق تے لوک ورثہ دے بانی عکسی مفتی اے پی پی سرائیکی نیوز سروس نال ڳالھ مہاڑ کریندے آکھیے۔ماہر ثقافت عکسی مفتی دا آکھݨ ہا جو میں ساری حیاتی انگریزی سکولاں اچ پڑھیاں ،فادر مگین ،فادرگائیبل ،مشن ہیری سکول ہئی جیندے اچ انگریزی ہسٹری پڑھی، انگلش مورل سائنس پڑھی ، بائبل پڑھی۔میں اے سارا کجھ پڑھݨ دے بعد جݙاں پی ایچ ڈی کرݨ چیک سولکواکیہ ڳیا تاں اتھاں اورئینٹل کالج دی لائبریری اچ ڳیا تاں ہک انقلاب آڳیا میں جھیڑیاں کتاباں اتھاں ݙٹھیاں میں پہلے کڈاہیں تاں پڑھیاں وی کائناں ہن۔ پہلی کتاب کشف المعجوب ،حضرت داتا گنج بخش دی تے ݙوجھی کتاب خواجہ فرید دی ہئی تے تریجھی کتاب بابا بلھے شاہ دی ہئی ، میں اے کتاباں ݙیکھ حیران تھی ڳیا میکوں اتھاں ونڄ تے سمجھ لڳی جو پاکستان کینجھا ادب دے حوالے نال امیر ملک ہے تے پاکستانی ثقافت بہوں اڳوں اے ۔انھاں دا بیا آکھݨ ہا جݙاں خواجہ فرید دی کتاب پڑھی “ہرجاہ ذات پنل دی”تاں میں حیران تھی ڳئیم۔ ایہو جیہی نگاہ ایں طرح دا ویڑ ن میکوں لڳا جو یورپئن فلسفہ تاں ایندے سامݨے حالی ٻال اے تے انہاں کوں تاں اتھاں پڄݨ اچ ٻہوں دیر لڳسی۔ بھانویں جو میکوں سرائیکی نی آندی میں بہاول پور ڳئیم تے اتھاں سرائیکی انجمن اے جیڑھی انہاں کوں ملیا تے میں انہاں دا دیوان گھن آئیم ۔ حضرت خواجہ فرید دی شاعری اگوں یورپ دا فلسفہ بہوں پچھوں رہ ڳئے تے سرائیکی اچوں فرید کوں کڈھ ڈیوو تاں باقی کجھ نی بچدا۔
