قانون نافذ کرݨ آلے ادارے تے ٻئے سرکاری محکمے غیر قانونی سرگرمیاں دے خلاف کارروائیاں پوری طاقت نال جاری رکھیسن ، آرمی چیف

راولپنڈی۔6اکتوبر(اے پی پی) پاک فوج دے سربراہ جنرل سید عاصم منیر آکھیے قانون نافذ کرݨ آلے ادارے تے ٻئے سرکاری محکمے غیر قانونی سرگرمیاں دے خلاف کارروائیاں پوری طاقت نال جاری رکھیسن تاں جو وسائل دی چوری اتے انہاں سرگرمیاں دی وجہ توں ملک کوں تھیوݨ آلے ضیان کوں روکیا ونڄ سڳے۔ آئی ایس پی آر موجب آرمی چیف جنرل سید عاصم منیر کراچی  دے دورے تے نگراں وزیراعلیٰ سندھ جسٹس (ریٹائرڈ) مقبول باقر دے رلے صوبائی ایپکس کمیٹی دے اجلاس توں خطاب کریندے پئے ہن ۔ اپیکس کمیٹی دے اجلاس اچ نظرثانی شدہ نیشنل ایکشن پلان، سندھ دے کچے دے علاقے اچ آپریشن، سی پی ای سی/ نان سی پی ای سی/ پرائیویٹ پراجیکٹس تے کم کرݨ آلے غیر ملکی شہریاں دی سیکیورٹی، غیر قانونی غیر ملکیاں دی وطن واپسی، غیر ملکی کرنسی کوں ریگولرائز کرݨ دے اقدامات، کراچی ٹرانسفارمیشن پلان، سندھ اچ ایس آئی ایف سی دے اقدامات  تے پیشرفت اتے گرین سندھ دے اقدامات تے بریفنگ ݙتی ڳئی ۔  آرمی چیف تاریخی اقدامات دے فیدے کیتے سارے متعلقہ محکمیں وچال ہم آہنگی دی لوڑھ تے زور ݙتا ۔شرکاء ایں ڳالھ دا اعادہ کیتے جو ریاستی ادارے، سرکاری محکمے اتے عوام صوبے دی ترقی تے خوشحالی سانڳے ھک مٹھ ہن ۔ایندے توں پہلے آرمی چیف دی آمد تے کور کمانڈر کراچی استقبال کیتا۔