اٹھ اکتوبر 2005 دے تباہ کن زلزلے اچ شہید تھیوݨ آلیں دی یاد اڄ تئیں ساݙے دلاں اچ تازہ اے، اسپیکر قومی اسمبلی

اسلام آباد۔7اکتوبر(اے پی پی):سپیکر قومی اسمبلی و سابق وزیر اعظم راجہ پرویز اشرف  آکھیے 8 اکتوبر 2005 دا زلزلہ پاکستانی قوم کیتے ھک آزمائش ہئی تے قوم ایں آزمائش ویلھے جیں اتحاد اتے یکجہتی ݙکھائی او مثالی ہئی ،زلزلے دی تباہ کاریاں اتے ایندے نتیجے اچ شہید تھیوݨ آلیں کوں اساں اڄ تئیں نی بھلیے تے انہاں خانداناں جنہاں دے پیارے ایں قدرتی آفت اچ انہاں توں وچھڑ ڳئے انہاں دے ݙکھ اچ برابر دے شریک ہیسے ۔ اے ڳالھ انہاں 8 اکتوبر 2005دے زلزلے دی 18ویں برسی دے موقع تے آپݨے خصوصی پیغام اچ آکھی اے ۔ سپیکر آکھیے جو 8 اکتوبر دے زلزلے اچ پوری قوم اپݨے مصیبت زدہ بھراویں نال کھڑی تھی ڳئی ۔ انہاں دی بے مثال قومی اتحاد اتے یکجہتی متاثرین کوں ول آپݨے پیراں تے کھڑا تھیوݨ کیتے ھک نواں حوصلہ تے عزم ݙتا ۔