پی ٹی آئی سودھے ساریاں سیاسی جماعتاں دے حقوق برابر ہن، ساریاں رجسٹرڈ سیاسی جماعتاں کوں برابر موقع ݙیوݨ یقینی بݨایا ویسی ، نگران وفاقی وزیر اطلاعات مرتضیٰ سولنگی دی We News نال ڳالھ مہاڑ

اسلام آباد۔8اکتوبر(اے پی پی):نگراں وفاقی وزیر اطلاعات و نشریات مرتضیٰ سولنگی  آکھیے پی ٹی آئی سودھے ساریاں سیاسی جماعتاں دے حقوق برابر ہن۔ ، الیکشن کمیشن اتے نگران حکومت ساریاں رجسٹرڈ سیاسی جماعتاں کوں برابر موقع ݙیوݨ کوں یقینی بݨیسن، ساݙا مقصد اپݨی ریاست، شہریاں اتے قومی سرحداں دا دفاع کرݨا اے، ملک دے اندر غیر قانونی رہݨ آلے غیر ملکی لوک 31 اکتوبر تئیں رضاکارانہ طور تے ملک چھوڑݙیون ، 31 اکتوبر دے بعد ایجھے لوکاں کوں جبری ملک بدر کیتا ویسی ،الیکشن دی تاریخ ݙیوݨ نگراں حکومت دا کم کائنی، الیکشن کمیشن انتخابات دی جیں تاریخ دا اعلان کریسی ، ایں تے انتخابات تھیسن ، نیشنل براڈ کاسٹرز کوں پوری دنیا اچ ریاست سپورٹ کریندی اے ، پبلک براڈ کاسٹرز لازمی قومی خدمت دے ادارے ہن۔ اے ڳالھ انہاں اتوار کوں “We News”نال ڳالھ مہاڑ کریندے ہوئیں آکھی اے  نگران وفاقی وزیر اطلاعات آکھیے الیکشن دی تاریخ ݙیوݨ نگران حکومت دا کم نی ، الیکشن کمیشن آف پاکستان آئینی ادارہ اے جیڑھا انتخابات کراوݨ دا ذمے وار اے ، حلف چاوݨ دے بعد مسلسل الیکشن کمیشن نال رابطہ اے ، الیکشن کمیشن آف پاکستان دی صلاحیت اتے قیادت تے مکمل اعتماد اے، الیکشن کمیشن انتخابات دی جیڑھی تاریخ دا اعلان کریسی اوں تے انتخابات تھیسن ۔