اساکوں گفتار دے نی کردار دے غازی چاہیدن، سیرت طیبہ دی جھلک اساݙے کردار اچ نظر آوݨی چاہیدی اے، نگراں وزیر مذہبی امور انیق احمد دا سیرت کانفرنس توں خطاب

اسلام آباد۔10اکتوبر  (اے پی پی) نگراں وزیر مذہبی امور انیق احمد آکھیا جو اساکوں گفتار دے نی کردار دے غازی چاہیدن، سیرت طیبہ دی جھلک اساݙے کردار اچ نظر آوݨی چاہیدی اے۔ اے ڳالھ انہاں منگل کوں قومی احتساب بیورو ولوں سیرت کانفرنس توں خطاب کریندیں ہوئیں آکھی۔ انہاں آکھیا جوحضور ﷺ دا کردار اتے اخلاق مجسم قرآن اے، قرآن کریم دا حکم اے جو رسول ﷺتساکوں ݙیوݨ ڳھن ڳھنو اتے جئیں توں روکن رک ونڄو۔   اہل ایمان اللہ اتے اوندے رسول ﷺ نال محبت کریندن۔ اساکوں گفتار دے نی کردار دے غازی چاہیدن، سیرت طیبہ دی جھلک اساݙے کردار اچ نظر آوݨی چاہیدی اے۔